देशका सबै राजनीतिक दलमा माओवादीका एजेण्ट छन्

Man Bahadur Thapa

काठमाडौं । देशमा राजतन्त्र छँदा यो टिप्पणी हुने गर्दथ्यो, "देशका सबै राजनीतिक दलमा राजतन्त्रका एजेण्ट छन् ।" अहिले गणतन्त्र आएको छ र माओवादी सबैभन्दा ठूलो राजनीतिक दलको रूपमा रहेको छ । उसले हरेक राजनीतिक दलमा आफ्नो प्रभाव विस्तार गर्न खोजेको छ । अब माथिको भनाईलाई यसरी व्याख्या गरिंदैछ "देशका सबै राजनीतिक दलमा माओवादीका एजेण्ट छन् ।"

२०५९ सालमा मसाल र एकताकेन्द्रबीच एकता भएर एकताकेन्द्र-मसाल बन्यो । त्यसका सहमहामन्त्री थिए, प्रकाश । तर राजनीति चाहिं माओवादीको बोकेर हिंड्थे र माओवादी खुला राजनीतिका नआउदा प्रवक्ताको काम गरेका थिए । माओवादीलाई त्यतिबेला काठमाडौंमा प्रवक्ताको आवश्यकता थियो । र एकताकेन्द्र-मसालका सहमहामन्त्री प्रकाशलाई प्रवक्तामा 'नियुक्त’ गरेका थिए । कालान्तरमा उनी माओवादीका उपाध्यक्ष भए र आजसम्म पनि छन् ।

अहिले एमालेमा माओवादीका नया“ प्रवक्ता देखा परेका छन् । उनी हुन् एमालेका उपाध्यक्ष वामदेव गौतम । जसले ४ दिनपहिले वैशाख १८ गते, एउटा ज्ञापनपत्र इमेल गरे । पाटी अध्यक्ष झलनाथ खनाललाई पठाइएको ज्ञापनपत्रमा प्रधानमन्त्री माधवकुमार नेपालको राजीनामा मागिएको छ । त्यसरी राजीनामा मागिएको ज्ञापनपत्रमा ६० जना एमाले नेता तथा कार्यकर्ताको नाम उल्लेख छ । तर तीमध्ये धेरैले आफूले ज्ञापनपत्रमा हस्ताक्षर नगरेको बताइसकेका छन् । वामदेव गौतमले खनाललाई ज्ञापनपत्र त बुझाए तर खनाल नै एमाले हुन् कि माओवादी ? आफूहरूलाई समेत छुट्याउन गाह्रो परेको एमाले कार्यकर्ताले बताउन थालेका छन् । इमेलबाट ज्ञापनपत्र बुझेपछि संचारमाध्यमलाई प्रतिक्रिया दिंदै अध्यक्ष खनालले प्रधानमन्त्रीको राजीनामा माग्नु एमालेको भावना विपरीत नभएको बताएका थिए ।

झलनाथको त्यो भनाईबाट एउटा आशंका उत्पन्न भएको छः कतै झलनाथ आफैले वामदेव गौतमलाई ज्ञापनपत्र लेख्न लगाएका त होइनन् ? इमेलबाट पठाइएको ज्ञापनपत्र झलनाथ खनालले पढ्न नपाउ“दै काठमाडौं, नेपालगन्ज, विराटनगर लगायत शहरमा माओवादीले प्रेसबाट दशौं हजार प्रति छापेर बा“डिरहेका थिए । माओवादी कार्यकर्ताको त्यो दिन बामदेवको ज्ञापनपत्र बा“डेर बित्यो । सत्ताकब्जा गर्न आएका माओवादी कार्यकर्ताले बामदेवको ज्ञापनपत्र बा“डे । वामदेवको ज्ञापनपत्र बा“डेर सत्ता कब्जा हुने भए आम हड्ताल गरेर जनतालाई यति धेरै दुःख किन दिएका ?

एमालेको केन्द्रीय समितिको र्सवसम्मत निर्णयवाट माधवकुमार नेपाल प्रधानमन्त्री बनेका हुन् । उनलाई अन्य २२ दलको र्समर्थन छ । ती मध्ये कसैले पनि राजीनामा मागेका छैनन् । एमालेले संस्थागत रूपमा पनि राजीनामा मागेको छैन । तर केही एमाले नेतालाई किन राजीनामा चाहिएको हो ? अहिले माधवकुमार नेपालको राजीनामा माओवादीलाई मात्रै चाहिएको छ । प्रचण्डलाई प्रधानमन्त्री बनाउन माओवादीले आन्दोलन गरिरहेका छन् ।

वर्तमान सरकार संसदबाट बहुमत पुर्‍याएर बनेको हो । त्यसलाई अविश्वासको प्रस्तावबाट हटाउन सकिन्छ । माओवादीले २५० पनि पुर्‍याउन नसकेपछि त्यो बाटो अवलम्बन गरेन । त्यसकारण माओवादीले सरकारको नेतृत्व आफूले पाउनुपर्ने जुन कुरा गरेको छ त्यो औचित्यहीन भइसकेको छ। एमालेका नेताहरूले माओवादीले सरकार बनाउनुपर्छ भन्दै ज्ञापनपत्र बुझाउ“दै हिंडिरहनु राजनीतिक ठट्टाको विषय मात्र बनेको छैन । वामदेवको राजनीतिको घटिया चरित्र उजागर गरेको छ । एमालेमा बसेर वामदेवले कतिञ्जेल माओवादीको सेवा गरिरहने हुन्, त्यो चाहिं हेर्दै जानुपर्छ ।

-----------

Response @thapa1_mb@yahoo.com
.

Posted on : May 6, 2010, 6:08 am

Source :

• First
• 2
• 3
• 4
• 5
• ...
• LAST